Entstehig De Räschte

 

D Ruopige Höpfer hend a de GV 2011 leider müesse veli Abgäng

is Passive oder ganz zom Verein us verzeichne.

Öbrig blebe send de 13 motivierti Fraue ond Manne

(wobie d Manne klar i de Menderheit...).

Mier hend also d Chöpf zämegstreckt, Idee usdiskutiert und nach

hetizige Diskussione ond welde Setzige esch klar worde,

mier hend alli s gliiche Ziel!

Au met 13 Lüüt chammer ad Fasnacht, ond wie!

Om de Name Höpfer in allne Ehre z'bhalte hemmer üs druf geiniged,

oder em Dach vo de Höpfer es Projekt z starte.

Nach lange ond emozionale Diskussione semmer einig worde

dass mer könftig onder emen neue Name ond  neuem Logo wend erschiene. 

De Verein Ruopige Höpfer esch wiiterhin am Läbe ond treid das ganze

Projekt met em Name "de Räschte".

Mier send üs bewosst,  dass das nach öber 20 Johr Höpfer en gwagte

Schrett gis esch, aber;

Wer wogt, cha verlüüre, wer ned wogt hed scho verlore!

Nach 2 erfolgriche Johr esch a de GV 2013 de eistemmigi Entschloss

gfasst worde, dass mer de Verein Ruopige Höpfer ombenenned

of "Fasnachtsmusig de Räschte".

Bes of de Name bliibt eigentlech alles gliich,

üsi Verpflechtige gägeöber de 100 er Gönner (100 er Aktie) send wiiterhin göltig.

mobile menu

Free Joomla! template by Age Themes