Zägg heds gmacht
Zägg heds gmacht ond d’Fasnacht 2012 esch döre.Erscht no hemmer de Kafiwage ofem Franziskanerplatz ufgstellt ond noch es paar Stöndli schlof de Urknall samt Fötzeliräge erläbt hemmer de Kafiwage scho weder zämegruumet.
Aber schön esch sie gsi d’Fasnacht 2012. Herrlech farbig, sonnig ond au chli verschneit.
Mer danked allne vo ganzem härze wo üs vor ond währed de Fasnacht onderstötzt hend ond üs wiiterhi onderstötzid.
Falls Du loscht hesch üses loschtige tröppli musikalisch ond kameradschaftlech z’onderstötze de mäld dech doch be Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! "> Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! mer fröied üs of dech.
Grüessech
Üse Gönnerapéro am 7. Januar 2012 esch wonderbar gsi mer send bemene bierli met üsne Gönner zämeghöckled ond hend üs Büüch met Metersandwiches vo de Bäckerei Kammermann vollgschlage.Eis zwöi gpsellt hemmer sälbstverständlech au no ond send do no vom Sömse ond de Conni met „Fiever“ öberrascht worde – super gsi danke vellmol. Damet üsi Gönner näbst de musikalische Iflöss nochli i Bewegig cho send hends no döffe go Nagle. Danke a dere Stell no einisch allne Gönner ond allne Metgleder vo de Räschte för ne glonge Obe.
Dä Samstig 14. Januar 2012 gods denn au grad wiiter, am 5vor Elfi am Mettag döfid mer be de Zöpfligeischter am Eröffnigsfäscht BAZAR Shop Fasnachtscenter z‘Littau üsi kakaphonische Kläng zom Beste gäh.
Am Nomittag am 2 wärdimer als Eröffnisact be de Gluggsi Musig a erere Gluggsete z’Äbike of de Stäge vom Schuelhuus Wydehof stoh. Wie das usgsehd ond tönt - öberzüüg di sälber devo ond lueg verbii.
Am Obig wärdimer zrogg of Littau reise ond be de Fasnachtseröffnig z‘Littau em Michel verbiiluege.
Mer fröied üs of üse erst Vorfasnachtsuftrett.
